Снежна бура предизвика две автобуски несреќи кај Анкара, загинаа три, повредени 40 лица

АНКАРА (АА) - Најмалку три лица загинаа, а 40 се повредени во двете автобуски несреќи што синоќа и утринава се случија во близина на Анкара, која е погодена од обилни снежни врнежи, јавува Anadolu Agency (AA).

Патнички автобус се преврте утринава во подрачјето на Шерефликочхисар кај Анкара.

Според првичните информации, во несреќата се повредени најмалку 20 лица, а надлежните амбулантни и полициски екипи се на местото на несреќата.

Слична несреќа се случи и доцна синоќа во областа Киршехир, југоисточно од главниот турски град.

При превртувањето на автобус во Киршехир животот го загубија најмалку три, а повредени се 20 лица.

Внатрешноста на Турција е зафатена од обилни снежни врнежи и голомразица, а најтешко погоден регион е Анкара.

Во главниот град на Турција поради снежните бури е одложена наставата и се затворени некои од патиштата.