Турскиот министер Фидан беше домаќин на состанокот на Балканската мировна платформа на маргините на форумот во Анталија

Министерот за надворешни работи на Турција, Хакан Фидан, беше домаќин на 3-тиот состанок на Балканската мировна платформа на маргините на Дипломатскиот форумот во Анталија (ADF), јавува Анадолу.

Во објава на социјалните мрежи, турското Министерство за надворешни работи потврди дека министерот Фидан во рамките на петото издание на Дипломатскиот форумот во Анталија бил домаќин на 3-тиот состанок на Балканската мировна платформа.

На состанокот присуствуваа министерот за надворешни работи и надворешна трговија на Северна Македонија, Тимчо Муцунски, вицепремиерот и министер за надворешни работи на Црна Гора, Ервин Ибрахимовиќ, вицепремиерот и министер за надворешни работи на Косово, Глаук Коњуфца, министерот за надворешни работи на Србија, Марко Ѓуриќ, министерот за надворешни работи на Босна и Херцеговина, Елмедин Конаковиќ и министерот за европски и надворешни работи на Албанија, Ферит Хоџа.

Балканската мировна платформа, основана под водство на Турција, го одржа својот прв состанок на 26 јули 2025 година, а вториот на 23 јануари во Истанбул.

Платформата е креирана со цел да го надополни мултилатералниот ангажман на Турција во регионот и да промовира директен дијалог ориентиран кон резултати, базиран на регионална одговорност.