Турскиот претседател Ердоган го пофали ставот на Пакистан за палестинското прашање

ИСТАНБУЛ (АА) - Турскиот претседател Реџеп Таип Ердоган денес го пофали ставот на Пакистан за палестинското прашање, истакнувајќи дека Пакистан е една од земјите што реагираа „најостро“ на геноцидот во Газа, јавува Анадолу.

„Би сакал уште еднаш да кажам дека отсекогаш сме го ценеле цврстиот став на Пакистан за палестинското прашање. Пакистан е исто така една од земјите кои најостро реагираа на геноцидот во Газа“, рече Ердоган на заедничката прес-конференција со пакистанскиот премиер Шахбаз Шариф во главниот град на Туркије, Анкара.

Наведувајќи дека Пакистан ја поддржува праведната кауза на Палестинците на различни платформи, меѓу кои и Обединетите нации (ОН), Ердоган рече дека Анкара и Исламабад се решени да продолжат со заедничките напори во наредниот период.

„Ќе продолжиме да работиме заедно кон основање на независна и суверена палестинска држава, заснована на границите од 1967 година, со Источен Кудс (Источен Ерусалим) како главен град и со територијален интегритет“, додаде турскиот претседател.