Турскиот претседател за новиот устав: Преземање конкретни чекори без дополнително пролонгирање

ИСТАНБУЛ (АА) - Турскиот претседател Реџеп Таип Ердоган денес рече дека Туркије ќе преземе конкретни чекори кон новиот устав без брзање и дополнително одложување, јавува Анадолу.

Говорејќи на состанокот на пратеничката група на АК Партијата во Анкара, Ердоган рече: „Ја гледаме користа во завршувањето на консултативните контакти без брзање, но не и со прекумерно пролонгирање и преземање конкретни чекори (кон новиот Устав).“

„Сметаме дека волјата за граѓански устав не треба да се жртвува на минливите дебати на дневната политика“, нагласи тој.

Додаде дека „за нас е важно да ги поддржиме напорите на нашиот претседател на Парламентот во прашањето за нов и граѓански устав“.

Во Туркије, „потребно е омекнување во политиката и, како и секогаш, ние го правиме и ќе го направиме нашиот дел во овој поглед. На крајот на краиштата, ние никогаш не сме биле и никогаш нема да бидеме на страната на поларизацијата и тензичноста предизвикана од фракционерството“, истакна Ердоган.