Турските безбедносни сили неутрализираа тројца терористи на ПКК во северен Ирак

АНКАРА (АА) - Турските безбедносни сили неутрализираа тројца терористи на ПКК во северен Ирак, гранични области што терористите кои се непријателски настроени кон Турција ги користат како засолништа, соопшти Министерството за национална одбрана.

Терористите беа неутрализирани зона на операцијата „Канџа-Катанец“, соопшти Министерството на Твитер.

„Ние сме решени да ставиме крај на тероризмот и да ја спасиме нашата нација од злото“, се додава.

Во соопштението исто така се нагласува дека операциите на Туркије ќе продолжат сè додека последниот терорист не биде неутрализиран.

Турските власти го користат терминот „неутрализира“ за да имплицираат дека терористите за кои станува збор се предале, се убиени или фатени.

Туркије ја започна операцијата „Канџа-Катанец“ во април за да цели кон засолништата на терористичката организација ПКК во северен Ирак, во регионите Метина, Зап и Авашин-Басјан, во близина на турската граница.

Таа беше иницирана по операциите „Канџа-Тигар“ и „Канџа-Орел“ за да ги искорени терористите кои се кријат во северен Ирак и планираат прекугранични напади во Туркије.

Во својата повеќе од 35-годишна терористичка кампања против Туркије, ПКК - која се наоѓа на листата на терористички организации во Туркије, САД и ЕУ е одговорна за смртта на преку 40.000 луѓе, вклучително жени, деца и доенчиња.