Турција врати 76 барани осомничени од 8 земји

Турција врати 76 барани осомничени од осум земји по спроведени операции во соработка со странски полициски и безбедносни служби, соопшти денес турското Министерство за внатрешни работи, јавува Анадолу.

Министерството соопшти на турската платформа за социјални медиуми „НСосијал“ дека 29 од осомничените биле меѓународно барани со црвени потерници на Интерпол, додека 47 биле барани на национално ниво.

Осомничените биле вратени од Грузија, Грција, Германија, Франција, САД, Велика Британија, Србија и Азербејџан.

Турските власти ги следеле осомничените кои избегале во странство и против кои биле издадени налози за потрага, додека нивните апсења и враќање биле обезбедени преку соработка со полициските и безбедносните служби на соодветните земји, соопшти Министерството.

„Ниту еден криминалец нема да може да исчезне со бегство во странство“, се додава во соопштението.