Турција: Земјотрес со јачина од 5.0 степени ја погоди Малатија во источниот дел на Анадолија

МАЛАТИЈА (АА) – При земјотресот со јачина од 5,0 степени по Рихтеровата скала, што го погоди местото Хекимхан во турската покраина Малатија, во источниот дел на Анадолија, причинета е материјална штета на станбени и деловни објекти, како и на една џамија, јавува Anadolu Agency (AA).

Земјотресот се случил во 02:28 часот и предизвикал материјална штета на станбени и деловни објекти во населбите Дурсунлу, Гузелјурт, Јајладами, Сарикиз и Саричичек.

Еден дел од минарето на џамијата во населеното место Гузелјурт се срушил, што предизвикало штета на покривот од џамијата и панелите за соларно напојување.

Екипа од Управата за вонредни состојби при Владата на Република Турција (AFAD) е на терен во проценување на предизвиканата штета.