Турција: Постапките на Грција за статусот на одредени острови ги кршат договорите и им штетат на соседските односи

ИСТАНБУЛ (АА) - Министерството за национална одбрана на Турција денес соопшти дека постапките на Грција во врска со статусот на одредени острови ги кршат постојните договори и ги поткопуваат билатералните добрососедски односи, јавува Анадолу.

Министерството во соопштение наведува дека иницијативите на Грција во врска со статусот на островите се спротивни на договорите што се правилно склучени според меѓународното право.

„Постапките на Грција со кои се крши статусот на островите според постојните договори се незаконски и им штетат на билатералните соседски односи“, се вели во соопштението.

„Турција ги отфрла себичните потези на Грција и експлоатацијата на регионалните кризи и презеде неопходни мерки“, додава Министерството.