Duygu Yener
24 Јули 2020•Ажурирај: 24 Јули 2020
АНКАРА (АА) - Министерот за здравство на Република Турција, Фахретин Коџа, соопшти дека во таа земја е извршено тестирање по случаен избор на коронавирусот на примерок од речиси 150.000 лица и дека стапката на заразеност изнесувала 2,5 на илјада тестирани, јавува Агенција Анадолија (АА).
Ресорниот министер Коџа на социјалните мрежи соопшти дека од почетокот на пандемијата на Ковид-19 во Турција се потврдени вкупно 223.315 случаи на заразување со Ковид-19, а дека 48 отсто од тие случаи се потврдени во Истанбул.
„Во Истанбул се забележани и 50,2 отсто од вкупниот број случаи во Турција. Во Истанбул на илјада тестирани по случаен избор имало 2,9 заразени. Тоа е за 13,8 отсто повисока стапка од вкупната стапка позитивни тестирања по случаен избор во Турција. Да бидеме внимателни заради добробитта на сите нас“, порача Коџа.
Вирусот кон крајот на минатата година се појави во кинескиот град Вухан, а Светската здравствена организација на 11 март оваа година прогласи глобална падемија на Ковид-19.
Според податоците на Универзитетот „Џонс Хопкинс“, во светот со Ковид-19 се заразени повеќе од 15,5 милиони луѓе. Од последиците на заразувањето починале 633.425, а оздравеле 8,81 милион лица.
