Шентоп ги отфрли изјавите на американскиот претседател за настаните од 1915 година

АНКАРА

Претседателот на Големото народно собрание на Република Турција, Мустафа Шентоп, денес ги отфрли неодамнешните изјави на американскиот претседател Џо Бајден, што ги нарече инцидентите од 1915 година „геноцид“, јавува Агенција Анадолија (АА).

„Како претседател на турскиот Парламент, ја отфрлам оваа голема клевета [на Бајден] против нашата држава, нација и историја. Сакам да ги потсетам официјалните претставници на земјите, особено оние со криминално досие за злосторства против човештвото, расизам и геноцид во нивната историја, да бидат многу внимателни кога зборуваат за Турција“, рече Шентоп на настан во главниот град Анкара.

„За настаните од 1915 година, нема нов научен и историски наод или нова проценка“, изјави Шентоп.

„Единствената работа што се менува е политичката одлука на САД за настаните во 1915 година“, рече тој.

„Изјавата за т.н. геноцид од страна на американскиот претседател е изјава што ја занемарува судската, политичката и историската основа. Покажувајќи ја американската контрадикторност во поглед на науката и меѓународното право, изјавата може да им наштети и на односите меѓу Турција и САД врз основа на човековите права, правата на супериорност и заемно пријателство“, додаде тој.

Во саботата, Бајден ги нарече настаните од 1915 година „геноцид“, кршејќи ја долгогодишната традиција на американските претседатели да се воздржат од употреба на терминот.

- Ставот на Турција за настаните од 1915 година

Ставот на Турција во врска со настаните од 1915 година е дека смртта на Ерменците во источна Анадолија се случила кога некои застанале на страната на руските освојувачи и се побуниле против османлиските сили. Последователното преместување на Ерменците резултирало со голем број жртви.

Турција се противи на претставувањето на овие настани како „геноцид“, опишувајќи ги како трагедија во која двете страни претрпеа жртви.

Анкара континуирано предлагаше формирање заедничка комисија на историчари од Турција и Ерменија, како и од меѓународни експерти, за решавање на ова прашање.

Во 2014 година, турскиот претседател Реџеп Таип Ердоган, тогаш премиер, изрази сочувство до потомците на Ерменците што ги загубија своите животи во настаните од 1915 година.