Di "Fuara Mucewheran a Mezopotamyayê" ya ku cara sêyemîn li Diyarbekirê tê lidarxistin da ton û nîvek zêr û mucewher hatin rapêşkirin.
Fuar ji hêla Odeya Zêrkar û Zêrfiroşên Diyarbekirê va li Navenda Kongre û Fuarê ya TUYAPê tê lidarxistin û di fuarê da hilberîner, tomerîfiroş û firmayên îxracatkar ên zêrkar û qada mucewheran da beşdarî fuarê bûn.
SerokêOdeya Bazirganî û Pîşesaziyê ya Diyarbekirê Mehmet Kaya got ku çanda xişir û zêrkariyê ya ku ji rabirdûyê va tê ji axa vê herêmê derketiye.
DIYARBAKIR (AA) - Di "Fuara Mucewheran a Mezopotamyayê" ya ku cara sêyemîn li Diyarbekirê tê lidarxistin da ton û nîvek zêr û mucewher hatin rapêşkirin. Fuar ji hêla Odeya Zêrkar û Zêrfiroşên Diyarbekirê va li Navenda Kongre û Fuarê ya TUYAPê tê lidarxistin. ( Aziz Aslan - Anadolu Agency )
Kaya destnîşan kir ku dema mirov li berhemên ku ji Girê Kortikê hatin derxistin nîşan didin ku 7 hezar sal beriya niha li vê herêmê xişir hebûne û wiha axivî: "Diyarbekir ji bo Fuara Zêrkariyê ya Mezopotamyayê bajarekî îdeal e. Em di fuarkariyê da dibin wek navenda herêm û Rojhilata Navîn. Em bawer dikin ku ev fuar dê wisa mezin bibe ku dê Rojhilata Navîn jî bigire nav xwe. Em ê bi hev ra binesaziya ku vê fuarê hem li Diyarbekirê hem jî li Rojhilata Navîn li dar bixin ava bikin."
Kaya qal kir ku hewcehiya herêmê bi fuarên bi vî awayî hene û got ku dê li Diyarbekirê fuarkariyê pêş bixin.
Kaya got dê her cure piştgiriyê bidin saziyên dixwazin ku li bajêr fuarê li dar bixin.
Piştî axaftinan fuar hat vekirin û dîzaynên di standan da rastî eleqeyeke mezin hat.
Fuar dê sê rojan vekirî bimîne.
