Li Tirkiyeyê 31 hezar û 451 pirtûkxane hene

Saziya Îstatîstikên Tirkiyeyê (TUÎK) îstatîstikên pirtûkxaneyên li Tirkiyeyê yên sala 2018an weşand.

Li gor vê, par li tevahiyê welêt yeka wan neteweyî, 1162yê wan gel, 598ê wan zanîngeh, 29 hezar û 690ê wan saziyên perwerdeyê bi tevahî 31 hezar û 451 pirtûkxane hebûn.

Endamên Pirtûkxaneya Neteweyî 23 hezar û 747, endamên pirtûkxaneyên gel 2 milyon û 840 hezar û 504, endamên pirtûkxaneyên zanîngehan 3 milyon û 912 hezar û 306 kes bûn.

Par li Pirtûkxaneya Neteweyî milyonek û 463 hezar û 488 pirtûk hatin tesbîtkirin. Materyalên din ên li vê pirtûkxaneyê jî ji sedî 7 zêde bû derkete 197 hezar û 216an.

Par rêjeya kesên ji Pirtûkxaneya Neteweyî îstifade kirin li gor pêrar ji sedî 0,6 zêde bû derkete 633 hezar û 999 kesan. Di heman heyamê da hejmara endamên qeydkirî jî ji sedî 10,3 zêde bû derkete 23 hezar û 747 kesan.

Par hejmara pirtûkxaneyên gel li gor pêrar ji sedî 1,4 zêde bû derkete 1162 heban. Hejmara pirtûkên li van pirtkxaneyan jî ji sedî 0,1 kêm bû û dakete 19 milyon û 966 hezar û 573 heban. Dîsa di vê heyamê da hejmara endamên qeydkirî ji sedî 29,1 zêde bû û derkete 2 milyon û 840 hezar û 504 kesan. Hejmara kesên ji van pirtûkxaneyan îstifade kirin ji sedî 12,6 zêde bû û derkete 28 milyon û 242 hezar û 986 kesan. Rêjeya materyalên din ên li pirtûkxaneyê gel par li gor pêrar ji sedî 2,5 kêm bû.

- Hejmara pirtûkên li zanîngehan zêde bû

Par hejmara pirtûkxaneyên zanîngehan derkete 598an. Hejmara pirtûkên li zanîngehan par li gor pêrar ji sedî 7,4 zêde bû û derkete 17 milyon û 600 hezar û 15 heban. Hejmara endamên qeydkirî jî ji sedî 2,6 zêde bû derkete 3 milyon û 912 hezar û 306 heban.

Di sala 2018an da hejmara pirtûkxaneyên dibistanên taybet û fermî, qursan li gor sala 2017an ji sedî 12,4 zêde bû derkete 29 hezar û 690 heban. Di heman heyamê da hejmara pirtûkên li van pirtûkxaneyan jî ji sedî 13,3 zêde bû derkete 30 milyon û 263 hezar û 384 heban.