Hemasê eşkere kir ku Îsraîl dê sibê 602 Filistîniyan berde

Hemasê eşkere kir ku Îsraîl dê di tura 8emîn a pevguherîna dîlan a ku dê sibê bê kirin da 602 Filistîniyan berde.

Ofîsa Çapemeniya Dîlan a girêdayî Hemasê der barê Filistîniyên ku dê di çarçoveya pevguherîna dîlan û agirbestê ya di navbera Îsraîl û Hemasê da bên berdan da daxuyanî da.

Di daxuyaniyê da hat diyarkirin ku 50 jê cezaya hepsê ya heta hetayê, 60 jê cezayên giran xwarî û 455 jê ji Xezeyê dê 602 Filistînî sibê bên berdan.

Ebû Ubeydeyê Berdevkê şaxa eskerî ya Hemasê Lîwayên Îzedîn el-Qesamê eşkere kiribû ku di tura 8emîn a pevguherîna dîlan a ku dê sibê bê kirin da 6 dîlên Îsraîlî dê bên berdan.