Li Amerîkayê di êrîşa nijadperestî da 3 reşik hatin kuştin

Li Florîdaya eyaleta Amerîkayê kesekî çêrmspî ji ber hincetên nijadperestî bi êrîşa biçek va 3 kesên reşik kuşt.

Li Jacksonvîlleya bajarê Florîdayê kesekî çêrmspî yê ku rûyê wî bi rûpûşê girtî danê êvarê li taxa ku reşik lê dijîn kete marketekê û bi çekê êrîşî merivan kir.

Şerîfê Jacksonvîlleyê T.K. Waters daxuyand êrîş ji ber hincetên nijadperestî hatiye kirin, lewra li ser hesabê medyaya civakî ya êrîşkar da peyamên nijadperest hatine belavkirin û got "êrîşkar ji reşikan nefret dikir."

Waters got di êrîşê da 2 jin û mêrek hatin kuştin.

Waters anî ziman êrîşkarê ku temenê wî dora 20î da ye piştî êrîşî xwe jî kuştiye.