Li Îranê ji ber şewba Kovîd-19ê di rojekê da 142 kes mirin

Li Îranê ji ber şewba vîrusa koronayê ya nû (Kovîd-19) di rojekê da 142 kes mirin.

Berdevka Wezareta Tenduristiyê ya Îranê Sîma Sadat Lariyê diyar kir li Îranê ji ber şewba Kovîd-19ê di rojekê da 142 kes mirin û hejmara miriyan derket 12 hezar û 447an.

Sîma Sadat Lariyê diyar kir 2 hezar û 262 nexweşên din hatine tesbîtkirin û got ku hejmara kesên bi Kovîd-19ê ketine derketiye 252 hezar û 720î.

Berdevka Wezareta Tenduristiyê ya Îranê Sîma Sadat Lariyê destnîşan kir rewşa 3 hezar û 319 nexweşan giran e û got ku hejmara kesên baş bûne jî 215 hezar e.

Lariyê diyar kir li Îranê heta niha milyonek û 922 hezar û 501 test hatine kirin.

Berdevka Wezareta Tenduristiyê ya Îranê Sîma Sadat Lariyê got ku eyaletên Xuzistan, Azerbeycana Rojhilat û Rojava, Kurdistan, Kirmanşah, Hurmuzgan, Buşehr, Xoresana Rezewî û Îlam di nav herêmên sor da ne û eyaletên Tehran, Îsfehan, Mazenderan, Gulistan, Elburz, Kirman, Yezd, Sistan-Belucistan, Hemedan, Zencan û Erdebil jî di nav herêmên xetere da ne.