Haydar Şahin
13 Gulan 2020•Rojanekirin: 14 Gulan 2020
Li Îspanyayê di 24 saetên dawîn da ji ber vîrusa koronayê ya tîpa nû (Kovîd-19) 184 kesên din jî mirin û hejmara miriyan derkete 27 hezar û 104 kesan.
Wezareta Tenduristiyê daneyên ser Kovîd-19ê rojane kirin.
Li gor daneyan, li welêt duh jimara kesên ku vîrus di wan da hat tesbîtkirin wek 176 hat eşkerekirin, jimara miriyan a rojane jî îro derkete 184 kesan.
Ev du roj in hejmara kesên ji ber Kovîd-19ê dimrin hinekî zêde bû lêbelê ev 5 roj e ji 200î kêmtir tê dîtin.
Li Îspanyayê ji ber Kovîd19ê herî zêde 2 nîsanê da 950 kes miribûn.
Piştî daneyên wezaretê herî dawîn îro eşkere kirin hejmara miriyan derkete 27 hezar û 104an.
Jimara kesên ku li gor testên PCRyê vîrus di wan da hatiye tesbîtkirin jî di 24 saetên dawîn da 439 zêde bûn û derket 228 hezar û 691î.
Di 24 saetên dawîn da kêm zêde 2 hezar kes rind bûn û hejmara kesên gihîştin siheta xwe derket 140 hezar û 823yan.
