"Rejima Esed piraniya wan sivîl qederê 5-13 hezar kes înfaz kirin"

ANKARA

Rêxistina Efûyê ya Nanvneteweyî ragihand rejima Esed li Sûriyeyê ji îlona 2011an heta dawiya 2015an li Girtîgeha Leşkerî ya Saydnaya li Şamê piraniya wan sivîl qederê 5-13 hezar kes bêyî bidarizîne, înfaz kirine.

Rêxistina Efûyê ya Nanvneteweyî bi navê "Sûriye: Mezbexaneya Însanan: Li Sûriyeyê li Girtîgeha Leşkerî ya Saydnayê Îdam û Îmheya Komî" raporek weşand.

Hat diyarkirin piştî hevdîtinên bi xardiyanên berê, hakim, bijîşk, parêze û pisporên navnetewî ra rapor hatiye amadekirin.

Li gor raporê "di navbera îlona 2011-kanûna 2015an da piraniya wan sivîl qederê 5-13 hezar kes bêyî bên darizandin hatine înfazkirin."

Di raporê da tê diyarkirin "di hefteyê da 20-50 kes hatine îdamkirin."

Di raporê da tê destnîşankirin piraniya kesên îdam kirine mixalifên hikûmetê ne û wiha tê gotin: "Bi hezaran însan bêyî bên darizandin û mehkemekirin bi komî hatine îdamkirin. Li Girtîgeha Leşkerî ya Saydnayê mehkûm rastî êşkenceya sîstematîk hatine û cinezeyên kesên bi komî hatine kuştin, di mezelên komî da veşartine."

Di raporê da ev îfade cî digirin: "Emrê îdamê bi destê rayedarên payebilind ên hikûmetê hatiye dayîn. Cezayên îdamê bi destê Miftiyê Sûriyeyê, wezîrê paratinê yê wekaleta Beşşar Esed dike û sererkan hatine qebûlkirin."

Rêxistina Efûyê ya Nanvneteweyî di raporê da bang li rayedarên Sûriyeyê kir, êşkence û kuştinên li Saydnayê û li hemû girtîgehan bide sekinandin.