Seferên balafiran ên ber bi Silêmaniyeyê va sibê dest pê dikin

SILEYMANIYE

Seferên balafiran ên ber bi Silêmaniyeya bajarê Herêma Kurdistana Iraqê (HKI) ji ber qedexeya Iraqê danîbû ev 15 meh bûn ku nedihat kirin lê qedexe rabû û seferên rasterast ên ber bi Balafirgeha Silêmaniyeyê va sibê dest pê dikin.

Li Herêma Kurdistanê ji du balafirgehên navneteweyî yek li Hewlêr û ya din jî li Silêmaniyeyê ye û ji Tirkiyeyê her roj fîrmayên rêhewayê rasterast wê biçin Balafirgeha Silêmaniyeyê.

Di 29ê Îlona sala 2017an da ji bo balafirgeha Silêmaniyeyê qedexeya firînê dest pê kiribû û şêniyên li herêmê ji ser Balafirgehên Hewlêr û Bexdayê xwe digîhandin cihên dixwestin biçinê. Bi rakirina qedexeyê welatî wê him ji pereyê xwe kar bikin û him jî ji wextê xwe. Xebatkarên balafirgehê jî li ser rakirina qedexeyê ji bo firînên ku wê dest pê bikin amadehiyên xwe dikin û kêmasiyan temam dikin.

Berdevkê Wezareta Gihandinê ya Herêma Kurdistanê Umîd Sabah daxuyanî da nûçegihanê AAyê û bi bîr xist ku li ser biryara Saziya Hewageriya Sivîl a Iraqê wê seferên balafiran di navbera Silêmaniye û Tirkiyeyê da rasterast dest pê bikin.

Sabah got ku bi saya hewl û xebatên hemû aliyan wê sefer ji nû va dest pê bikin û wiha pê da çû: "Ev gaveke erênî ye. Ji hêla aboriyê va wê him bi kêrî Tirkiyeyê û him jî bi kêrî Silêmaniyeyê bê."