Wezîrê Karên Derva yê Qeterê Al Sanî ji Tirkiyeyê ra spas kir

WASHINGTON

Wezîrê Karên Derva yê Qeterê Şêx Mihemed bîn Evdirehman Al Sanî li Washingtona DYAyê beşdarî panelekê bû.

Al Sanî qeyrana di navbera Qeter û hin welatên ereban da ku hê jî didome nirxand û piştgiriya ji destpêka qeyranê vir va Tirkiye dide Qeterê jî anî rojevê û ji bo wê yekê jî ji Tirkiyeyê ra spas kir û got: "Li Ser Qeterê blokaj tê sepandin û Tirkiye di temînkirinê da bi awayekî bitesîr piştgirî da me. Ji ber vê piştgiriyê em minetdarê Tirkiyeyê ne."

Saziya fikrî "Arab Center Washington"ê bi sernava "Çareserkirina Qeyrana Kendavê: Pirsgirêk û Pêşniyazên Çareseriyê" panel li dar xist û Al Sanî li wir axivî û der barê îdiayên ji bo Qeterê tên gotin derewand û got: "Hemû bê bingehin û rêveberiya Dohayê ji bo çareserkirinê amade ye ku bi hemû cîranên xwe ra rûnê û meseleyê hel bike."

Di beşa pirs û bersivê da nûçegihanê AAyê rol û tevgera Tirkiyeyê ya di dema qeyranê da nîşan da ji Al Sanî pirs kir û Wezîrê qeterî jî ragihand ku têkiliya di navbera Tirkiye û Qeterê da xurt û bi bingeh e.

- "Tirkiye ji bo guftûgoyê bangî hemû aliyan dike"

Al Sanî bal kişand ser têkiliyên baş ên Tirkiye yên bi welatên kendavê ra û wiha pê da çû: "Têkîliyên Tirkiyeyê yên bi Qeterê ra têkiliyên wê yên bi welatên din ên kendavê ra bêqîmet nake û nayê wê menê. Ew ji bo guftûgoyê gazî hemû aliyan dikin."