Keç û xortê mexdûrên erdhejê li konteynerbajar nîşana xwe kirin

Ji Îskenderuna navçeya Hatayê Gulay Karakaş û Denizcan Bebekê malên wan di erdhejên Kahramanmeraşê da zirar dîtibûn û li konteynerbajar bi cî bûbûn, nîşana xwe kirin.

Gulay Karakaşa 19 salî û Denizcan Bebekê 26 salî ku mexdûrên erdhejê ne û li konteynerbajarê ji alî Komeleya Tirkiye Bosna Sancakê va li Taxa Nimûneyê hatibû avakirin dimînin, bi merasimê soz dan hev.

Malbatên herdu ciwanan jî beşdarî merasimê bûn û wêne kişandin.

Bebek daxuyanî da nûçegihanê AAyê û got ku ji ber erdhejan bi malbatî rewşa wan baş nîne û wiha pê da çû: "Mala me di erdhejê da zirar dît û em bi malbatî hatin vî konteynerbajarî. Ez û destgirtiya xwe eqreba ne. Cara ewil min li konbajêr ew dît û me hev nas kir. Paşê jî me ev biryar da."

Bebek ji hemû kesên di merasima nîşanê da xwedî ked bûn ra spas kir.