Li Gîresûnê ji ber baranê lehî rabû

Li Durogluya bajaroka Gîresunê ji ber baranê lehî rabû û hezaz çêbûn.

Barana bişev tesîra xwe zêde kir ji pal û kêşan dar, devî û xwelî bi xwe ra anî û li navenda bajarokê bû sedema zirar û ziyanê.

Av li hin mal û dikanan qelibî û wesayît di nav heriyê da man. Li bajaroka ku hezaz çêbûn welatî mehsûr man û ji alî ekîbên AKUTê va hatin xelaskirin.

Ekîbên Şaredariya Durogluyê bi makîneyên kar va xebatên xwe didomînin.

Şaredar Halîl Çetîn daxuyanî da rojnamegeran û got ku ji ber baranê li gelek deverên bajarokê hezaz çêbûn û wiha domand: "Ji ber hişyariyên meteorolojîk em ji şevê da li bendê bûn û me amadehiyên xwe kiribû. Heta niha tişt bi kesî nehat lê bi tenê ji ciyekî me xeber hilneda û tê gotin ku bi tenê malek xera bûye li Taxa Çaglayanê."