Li Tunceliyê bi hatina biharê ra guldexwînan vekir

Li Ovacika navçeya Tunceliyê bi hatina biharê ra di baxçeyê xaniyekî da guldexwînan vekir û dîmeneke xweş derket holê.

Li navçeya ku demsala zivistanê lê dijwar derbas dibe, bi vehelîna berfê ra siruşt bi xwe va hat û dest û erazî hêşîn bûn.

Çil û çiyayên ku navçe dorpêç kiriye, hê di binê berfê da ne, ji aliyê din va jî deşta navçeyê bi pîvok, nêrgiz, simbil û berfînan xemilî.

Li Taxa Pulurê di baxçeyê xaniyekî da jî guldexwînan vekir.

Guldexwîn bi rengên xwe yên sor va balê dikişînin û li dinyayê ji kulîlkên nadîde yek e.

Guldexwîn li ser çil û çiyayên Munzûr û Mercanê jî hêşîn dibin û 15-20 roj emrê wan heye.