03 Rêbendan 2017•Rojanekirin: 04 Rêbendan 2017
TUZLA
Peykertraş Jasenko Djordjevîc li Tuzlaya bajarê Bosna Hersekê bi peykertraşiya xwe tê nasîn. Djordjevîc Sûriye di serî da ji bo ku balê bikşîne dramên mirovahiyê peykera bedena Aylan Kurdiyê ku pêlên behrê derxist qerax, li ser pozika qelemê çêkir.
Djordjevîcê ku li ser pozika qelemzirêçan fîguran çêdike, şeş sal berê dest bi vî karî kir û vê hunera peykerê ji bo ku bala civatê bikşîne jî bi kar tîne.
Malbata Aylan Kurdî ji bo ku şerê Sûriyeyê bireve, li botê siwar bûn, lê bota wan binav bû û pêlên behrê cesedê Aylanê 2 salî li qeraxê behrê dabû.
"Ew zarokek bû û wî ev şer nedabû destpêkirin"
Djordjevîc der heqê hunera xwe ya ku ji bo bîranîna Aylan Kurdî çêkir da daxuyanî da nûçegihanê AAyê.
Djordjevîc Aylan Kurdî got ku dema wî dîmenê cesedê Aylan Kurdî dîtiye pir li ber xwe ketiye û wiha axivî: "Ew zarokek bû û yê ku ev şer dabû destpêkirin ew nebû. Xêra vê xebata min êdî ji wî re tune, lê dibe ku ez kesên din re nîşan bidim ku şer tiştekî çawa nebaş e."
Djordjevîc destnîşan kir ku dema ew zarok bûye li Bosna Hersekê wî jî şer dîtiye û ev xebata wî ya Aylan Kurdî li Norveçê di rêxistineke mafên mirovan de hatiye pêşandan.
- "Her neqşa ku bikaribe li ser pênûsê bê xêzkirin ez çêdikim"
Djordjevîc got ku her neqşa ku bikaribe li ser pênûsê bê çêkirin ew dikare çêbike û wiha axivî: "Heta niha min 200î zêdetir berhem çêkirin. Min berhemên hunermendên navdar ên wek Michelangelo jî li ser pênûsê neqişand."
