RTD: Ewropa êdî bû wekî navenda qeyranê ya vîrusa koronayê

Dîrektorê Giştî yê Rêxistina Tenduristiyê yê Dinyayê (RTD) Tedros Adhanom Ghebreyesus got ku Ewropa êdî bû wekî navenda şewba vîrusa koronayê ya tîpa nû (Kovîd-19).

Ghebreyesus di civîna ku li navenda RTDyê ya li Cenevreyê hat kirin û tenê rayedarên RTDyê û ew beşdar bû û wekî "civîna çapemeniyê ya sanal" hat binavkirin da bersiva pirsên nivîskî yên ku bi e-posta û têlefonê hatin da.

Tedros Adhanom Ghebreyesus bal kişand ku li Ewropayê jimara weqa û mirinên ji ber Kovîd-19ê yên rojane ji Çînê derbas bû û got ku "Ji xeynî Çînê bi jimarên weqa û mirinên ku cihên din ên dinyayê hatin ragihandin Ewropa êdî bû wekî navenda pandemiya Kovîd-19ê."

Ghebreyesus diyar kir ku li tevahiya dinyayê ji 123 welat û herêman 132 hezar weqayên Kovîd-19ê hatin ragihandin û wiha axivî: "Mirina 5 hezar kesî qonaxek e."