"Berê wan çekan wê bizivirin Tirkiyeyê"

BATUM

Wezîrê Parastina Neteweyî Canîklî der barê çekên ku Emrîka dide rêxistina terorî PKK/PYDê de wiha got: "Dema DEAŞ kuta bû ku li ber kutabûnê ye, berê wan çekan wê bizivirin Tirkiyeyê."

Canîklî, li Batuma paytextê Gurcistanê beşdarî Konferansa Parastin û Ewlehiya Gurcistanê bû ku Serkomar û Serokwezîrê vî welatî jî amade bûn.

Wezîrê Parastina Neteweyî Canîklî li ser xetereya çekên di destê PYDê de wiha nirxandin kir:

"Mutefîqên me, dostê me DYA ji bo têkoşîna li dijî DEAŞê niha li qadê bi vê YPGa rêxistina terorê ra ye û tevlî wê li dijî DEAŞê karên hevpar dike. Li hemberî DEAŞê. Li gor tespîtên me çek û cebilxaneya ku ji bo techîzkirina artêşeke 40-50 hezar kesî têrê dike, dane wan ku bila li dijî DEAŞê şer bikin û têbikoşin. DYA bi vê armancê vê yekê dike lê armanca sereke ya vê rêxistina terorê jî Tirkiye ye. Dema DEAŞ kuta bû ku li ber kutabûnê ye, berê wan çekan wê bizivirin Tirkiyeyê."