Berdevkê nû yê Qesra Spî bertek nîşanî çapemeniya DYAyê da

WASHINGTON

Piştî ku Serokê Amerîkayê Donald Trump dest bi wezîfeya xwe kir, Berdevkê Qesra Spî Sean Spicer jî civîna çapemeniyê ya ewil li dar xist.

Spicer 2 saet dereng hat civîna çapemeniyê û bi tund tevgeriya.

Berdevk Spicer bertek nîşanî tweeta nûçegihanê kovara Tîmeê ya ku dibêje "Trump piştî ku li Qesra Spî bi cih bû wêneyê Martin Luther King a li Ofîsa Gilover da rakirin." da.

Spicer diyar kir, ev parvekirin ji rastiyê dûr e, nûçegihan jî paşê parvekirin jê bir, lê nûçe li ser medyaya sosyal belav dibe û wiha got: "Ev tevgeke xelet e."

Spicer îdia kir, çapemeniya Amerîkayê hejmara kesên ku beşdarî merasima sondê ya Trump bûn, gelek kêm da nîşan û Spicer nûçeyên bi vî rengî ra got ku "xelet in û eyb e."

Spicer wiha axivî: "Li giştiyê dinyayê û li vê derê ev merasima dewrê heta niha qerebalixeke herî zêde bû, noqte. Ev bi qestî kirin ku destek pir kêm bibe."