Biryara Amerîkayê ya li ser Qudsê tê protestokirin

ANKARA

Biryara Serokê Amerîkayê Donald Trump ku Quds wek paytextê Îsraîlê îlan kir li hemû bajarên Tirkiyê û welatên misilman tê protesto kirin.

Protesto li hemû bajarên Tirkiyê birêve diçin û misilman piştî nimêja înê bi tekbîr û dirûşman derketin qadan Amerîka û Îsraîl şermezar kirin.

Cemaeta camiyan bi dirûşmên wek "Quds a Îslamê ye", "Quds rûmeta misilmanan e", "Dê berxwedan biser bikeve", kom bûn û piştgiriya Filîstînê kirin.

Tê çavnêrîkirin ku protesto îro li hemû dinyayê bimeşin û piştgiriyeke mezin ji bo Qudsê were diyarkirin.