"Ew ê bayê vî miletê agirê qendîla wan vemirîne"

KAYSERİ

Serokwezîr Yildirim: "Yên li Qendîlê, serkirdeyên terorê bişev û biroj daxuyaniyan didin. Dibêjin 'Ku ji sandiqakan dengê erê derbikeve, wê dawiya me bê; ji ber vê yekê kampanyayên na yê birêve bibin.' Em ê wê Qendîla vemirînin, em ê qendîla wan vemirînin, ew ê bayê vî miletê agirê qendîla wan vemirîne."

Seokê Giştî yê AK Partiyê û Serokwezîr Bînalî Yildirim di çarçoveya dengdayîna gel bo guherîna Makezagonê de beşdarî mitînga ji aliyê partiyê ve li meydana Cumhuriyetê hat lidarxistin bû û xîtabî gel kir.

Yildirim got ku piştî hewla derbeyê ya 15ê Tîrmehê lazim e ev Makezagon were guheritin û wiha axivî: "Ev mesele meseleya memleket e, ev mesele meseleya man û nemana memleket e."

Yildirim bibrîxist ku Ak Partî û MHP li hev civiyan û pêşnumaya Makezagonê amade kirin û wiha dewam kir:

"Wexta me pêşnumaya Makezagonê bir pêşiya meclisê me got, heke hemiyê meclisê bibêje erê jî dîsa em ê herin cem miletê xwe. Heta îro me hêza xwe ji we sitand, we hêz da me û we çi xwest me ew çêkir."

Yildirim got: "Yên li Qendîlê, serkirdeyên terorê bişev û biroj daxuyaniyan didin. Dibêjin 'Ku ji sandiqakan dengê erê derbikeve, wê dawiya me bê; ji ber vê yekê kampanyayên na yê birêve bibin.' Em ê wê Qendîla vemirînin, em ê qendîla wan vemirînin, ew ê bayê vî miletê agirê qendîla wan vemirîne."