Dosyeyên parêzbendiyê

ANKARA

Hevseroka Giştî ya HDPê Fîgen Yuksekdag jî di nav da 8 dosyeyên parêzbendiyê yên hin parlementeran ji Serokatiya Meclisê ra hat şandin.

Ji bo ku Parêzbendiya wan were rakirin, 3 dosyeyên Parlementera Wanê ya HDPê Yuksekdagê, dosyeya Parlementera Mêrdînê ya HDPê Gulser Yildirimê, Parlementerê Mêrsînê yê HDPê Dengîr Mîr Mehmet Firat, Parlementerê Afyonkarahîsarê yê MHPê Mehmet Parsak, Parlementerê Tunceliyê yê HDPê Alîcan Onlu û Parlementera Batmanê ya HDPê Ayşe Acar Başaranê sewqî Komîsyona Makezagon û Edaletê kirin.

Hejmara dosyeyên parêzbendiyê yên ku hatin ber destê komîsyonê derket 651an. Ji van 46 yên AK Partiyê, 191 yên CHPê, 391 yên HDPê, 19 yên MHPê û 5 yên Parlementera serbixwe ya Enqereyê Aylîn Nazliakayê ye.

Hejmara parlementerên ku der heqê wan da dosye hatine amadekirin 136 e. Ji van 27 parlementerên AK Partiyê, 51 yên CHPê, 50 yên HDPê, 7 yên MHPê û yek jî Nazliaka ye.