Cinazeyê Şule Yuksel Şenlerê hat definkirin

Cinazeyê rojnamevan û nivîskar Şule Yuksel Şenlerê ku di 81 saliya xwe da li nexweşxaneya lê dihat dermankirin wefat kir bi merasima ku Serokomar Recep Tayyîp Erdogan jî beşdar bû hat definkirin.

Ji bona Şenlerê nîvro li Mizgefta Eyup Sultanê merasim hat çêkirin û Serokomar Erdogan jî beşdar bû.

Beriya nimêja cinazeyê Ayşe Yosunkayaya keça manewî ya Şenlerê serxweşiyan qebûl kir.

Di merasima cinazeyê da ji xeynî xizmên Şenlerê Serokomarê Tirkiyeyê Recep Tayyîp Erdogan, xanima wî Emîne Erdogan, keçikên wî Esra Albayrak û Sumeyye Erdogan Bayraktar, Serokê Meclisê Mustafa Şentop, Wezîrê Xezîne û Darayiyê Berat Albayrak, Wezîrê Tenduristiyê Fahrettîn Koca, Wezîra Malbat, Xebat û Xizmetên Civakî Zehra Zumrut Selçuk, Wezîrê Spor û Ciwaniyê Mehmet Muharrem Kasapoglu, Serokê Ragihandinê Fahrettîn Altun, Berdevkê Serokomariyê Îbrahîm Kalin, Wekîlê Serokê Giştî yê AK Partiyê Numan Kurtulmuş, Berdevkê AK Partiyê Omer Çelik, Parlamenterê AK Partiyê yê Îzmirê Bînalî Yildirim, Parlamenterên AK Partiyê yên Stenbolê Ravza Kavakçi Kan û Hasan Turan, Serokê Meclisê yê berê Îsmaîl Kahraman, Waliyê Stenbolê Alî Yerlîkaya, Midûrê Ewlehiya Stenbolê Mustafa Çalişkan, Serokê AK Partiyê yê Stenbolê Bayram Şenocak, şaredarên navçeyan, nûnerên saziyan, rojnamevan û gelek nivîskar û welatî hazir bûn.

Nimêja cinazeyê ji hêla Miftiyê Stenbolê Prof. Dr. Mehmet Emîn Maşali va hat kirin û Erdogan xitabî kesên hatine kir.

Peyra cinazeyê Şenlerê ku Serokomar Erdogan jî ket bin derabeyê heta wesaîtê birin.

Cinazeyê Şenlerê bi wesaîta ku Erdogan jî siwar bû birin Goristana Eyup Sultanê û hat definkirin.