Serokomar Erdogan li Pakistanê ye

İSLAMABAD

Serokomar Recep Tayyîp Erdogan ji bo beşdarî 13yemîn Zîrveya Serokan a Teşkîlata Hevkariya Aboriyê (THA) bibe hat Îslamabada paytexta Pakistanê.

Wezîrê Karên Derva Mevlut Çavuşoglu, Wezîrê Dad û Hiqûqê yê Pakistanê Zahîd Hemîd, Balyozê Tirkiyê yê Îslamabadê Sadik Babur Gîrgîn û xanima wî Asli Gîrgîn, Balyozê Tirkiyê yê li Tehranê Hakan Tekîn û xebatkarên Balyozxaneya Îslamabadê li Balafirgeha Eskerî ya Nûr Xan a Pakistanê pêşwazî li Serokomar Erdogan kir.

Serokomar Erdogan tevî xanima xwe Emîne Erdogan, Wezîrê Aboriyê Nîhat Zeybekçî, Wezîrê Vejen û Çavkaniyên Siruştî Berat Albayrak, Wezîrê Pêşvebirinê Lutfî Elvan, Wezîrê Ragihandin, Gihandin û Deryavaniyê Ahmet Arslan, Serokê Sererkaniyê Orgeneral Hulusî Akar hat Pakistanê.