بوومەلەرزەیەک بەگوڕی ٤،٣ پارێزگای چاناککالەی هەژاند

چاناککالە - AA

بوومەلەرزەیەک بەگوڕی ٤،٣ پلە، قەزای بیگای سەربە پارێزگای چاناككاله‌ باكووری خۆرئاوای توركیای هەژاند.

بەپێی ئەو زانیارییانەی کە لە ماڵپەڕی سەرۆکایەتی ئیدارەدانی کارەسات و باری له‌ناكاو (AFAD)دا بڵاوکراونەتەوە، کاتژمێر ٠٦:٢١ بوومەلەرزەیەک بەگوڕی ٤،٣ پلە لە قەزای بیگای روویداوە.

ئاماژە بەوەیش کرا کە بوومەلەرزەکە لە قوڵایی ٧،٢٢ کیلۆمەتر روویداوە.

لە تۆڕەکانی کۆمەڵایەتییدا بڵاوکرایەوە کە هێزی بوومەلەرزەکە لە ئیستانبوڵ، باڵکئەسیر و بورسا هەستی پێ کراوە.

پارێزگاری چاناککالە، ئیلهامی ئاکتاش لە لێدوانێکیدا بۆ ئاژانسی ئانادۆڵو، باسی لەوە کرد کە تا ئێستا هیچ دۆخێکی نەرێنییان پێنەگەیشتووە و تیمەکانی (AFAD) سەرقاڵی کاری پشکنین و بەدواداچوونن لە ناوچە کارەساتبارەکەدا.