بەهۆی وەرگەڕانی پاسێکی خوێندکاران لە دیاربەکر ٩ کەس برینداربوون

دیاربەکر - AA

بەهۆی وەرگەڕانی پاسێکەوە کە خوێندکارانی هەڵگرتبوو لە شارۆچکەی خانی سەر بە پارێزگای دیاربەکر ٩ کەس برینداربوون کە برینی یەکێکیان سەختە.

بەپێی زانیاریەکان پاسێکی خوێندکاران لە ناوەندی شارۆچکەکە لە نزیک مەزارگەی بوراک لە گەڕەکی بەلەن تایەیەکی دەتەقێت و لەئەنجامدا وەردەگەڕێت.

لەکۆی ١٣ سەرنشینی نێو پاسکەکە ٩یان برینداربوون و رەوانەی نەخۆشخانەی حکوومی خانی کران.

بەپێی زانیارییەکان دۆخی تەندروست یەکێک لە بریندارەکان سەختە.