بەڕێوەبەری جێبەجێکاری رۆژنامەی جمهورییەت دەستگیر کرا

لە چوارچێوەی لێکۆڵینەوە لە دەستەی نووسەران و کارگێرانی رۆژنامەی جمهورییەت، بەڕێوەبەری جێبەجێکاری رۆژنامەکە، ئاکن ئاتاڵای لە فڕۆکەخانەی ئەتاتورک لە ئیستانبوڵ دەستگیر کرا.

ئاتاڵای کە لەلایەن داواکاری گشتی ئیستانبوڵەوە فەرمانی دەستگیرکردنی بۆ دەرکرابوو، دوای ئەوەی لە بەرلین پایتەختی ئەڵمانیاوە هاتە ئیستانبوڵ لەلایەن هێزەکانی ئەمنییەوە دەستگیرکرا.

لە ئیستادا ناوبراو لە بەڕێوبەرایەتی ئاسایشی شارەکە رێکارە یاساییەکانی لەگەڵ ئەنجام دەدرێت.