سێ سەرۆک شارەوانی لەکارەکانیان دوورخرانەوە

ئەنقەرە - AA

وەزارەتی ناوخۆی تورکیا رایگەیاند هەریەک لەسەرۆک شارەوانی یەنیشەهر سەربە پارێزگای دیاربەکر، مەهمەت سەلیم کوربانئۆغڵو و سەرۆک شارەوانی کایاپنار سەربە پارێزگای دیاربەکر، مەهمەت عەلی ئایدن و سەرۆک شارەوانی چوکورجا سەربە پارێزگای هەکاری، سەروەت تونچ کە بەتاوانی ''ئەندامێتیی لە رێکخراوی تیرۆریستییدا'' دەستگیرکراون، لەکارەکانیان دوورخرانەوە.

بەپێی ئەو روونکردنەوەیەی کە لەلایەن وەزارەتەکەوە بڵاوکراوەتەوە، هەریەک لەقایمقامی یەنیشەهیر، مەهمەت ئۆزەل و قایمقامی کایاپنار موستەفا کڵچ و قایمقامی چوکورجا مەهمەت موت وەک بریکاری سەرۆک شارەوانی ئەو شارۆچکانە دیاریی کران.