تورکیا فڕۆکەی "HÜRJET" ھەناردەی ئیسپانیا دەکات

ئەنقەرە ــ AA

تورکیا گریبەستێکی بە بەھای دوو ملیار و ٦٠٠ ملیۆن یۆرۆ بۆ ھەناردەکردنی یەکەم کاروانی فڕۆکەی "HÜRJET" کە لەلایەن کۆمپانیای پیشەسازی ئاسمانی تورکیا (TUSAŞ) پەرەی پێدراوە، لەگەڵ ئیسپانیا واژوو کرد.

ئیسپانیا بۆ دابینکردنی پێداویستی ھێزە ئاسمانییەکانی بۆ مەشقپێکردن بە فڕۆکە، فڕۆکەی "HÜRJET"ی تورکیای ھەڵبژاردووە.

بەپێی زانیارییانەی کە دەستی ئاژانسی ئانادۆڵو کەوتوون، گرێبەستەکە دوێنێ دووشەممە لەنێوان وەزارەتی بەرگریی ئاسمانی ئیسپانیا و کۆمپانیای پیشەسازی ئاسمانی تورکیا (TUSAŞ) واژوو کراوە.

چاوەڕوان دەکرێت، کاروانی یەکەمی فڕۆکەی "HÜRJET" لە دامەزراوەی کۆمپانیای (TUSAŞ) بەرھەم بھێندرێن، بۆ ئەوەی لە چارەکی کۆتایی ٢٠٢٨ ڕادەستی ئیسپانیا بکرێن و پرۆسەکەیش تا ساڵی ٢٠٣٦ بەردەوام دەبێت.

سەرۆکی دەستەی پیشەسازیی بەرگریی لە سەرۆکایەتی کۆماری تورکیا، ھالوک گۆرگون لە ڕاگەیاندراوێکدا کە لە چوارچێوەی گرێبەستەکە، ٣٠ فڕۆکەی "HÜRJET" ھەناردەی ئیسپانیا دەکرێن.

ڕاشیگەیاندووە کە ئەو ھەنگاوە، ھەنگاوێکی مێژووییە لە بواری ھەناردەکردنی پیشەسازیی بەرگریی تورکیا بۆ دەرەوە.