دوو کەشتی جەنگیی رووسی بە نۆکەندی ئیستانبوڵدا تێپەڕین

دوو کەشتی جەنگیی رووسی سەر بە هێزی دەریایی ئەو وڵاتەن بە نۆکەندی ئیستانبوڵدا تێپەڕین.

هەریەک لە کەشتییە جەنگییە رووسییەکانی ''مینسک'' بە ژمارە تابلۆی ١٢٧ و ''ئالێکساندەر ئۆتراکۆڤسکی'' بە ژمارە تابلۆی ٠٣١ کە سەر بە کەشتیگەلی هێزی دەریایی رووسیان لە دەریای رەش، لە سەعات ٠٨:٣٠ خولەکدا لە دەریای مەڕمەڕەوە هاتنە نێو نۆکەندی ئیستانبوڵەوە.

سەربازە ئێشکگرەکان بەسەر کەشتییەکانەوە دیار بوون و لەکاتی تێپەڕینیاندا بە نۆکەندەکەدا لەلایەن بەلەمەکانی سەر بە ئاسایشی کەناراوەکان و پۆلیسی دەریایی تورکیاوە هاوەڵیی کران.

کەشتییەکان بەرەو باکوور، ملی دەریایان گرت و لە نۆکەندی ئیستانبوڵەوە چوونە نێو دەریای رەشەوە.