دەستگیرکردنی ٩٤ کۆچبەری نایاسایی لە ئۆپەراسیۆنی قەڵغان-٢٦دا

ئەنقەرە - AA

وەزیری ناوخۆی تورکیا، عەلی یەرلیکایا بڵاویکردەوە لە میانی ئۆپەراسیۆنەکانی قەڵغان-٢٦دا بۆ سەر قاچاغچی کۆچبەران و کۆچبەرانی نایاسایی لە ئێستانبوڵ، ٩٤ کۆچبەری نایاسایی و پێنج قاچاغچی کۆچبەران دەستگیرکراون.

لە ڕاگەیاندراوێکدا کە لە هەژماری خۆی لە تۆڕی کۆمەڵایەتییدا بڵاویکردەوە، یەرلیکایا ئاماژەی بەوە کرد پێداگرانە ڕووبەڕووبوونەوەی کۆچبەرانی نایاسایی و قاچاغچیانی کۆچبەران بەردەوامە، لەو چوارچێوەیەشدا لەسەر ڕێگای خێرای TEM لە ئیستانبوڵ ئۆپەراسیۆنی قەڵغان-٢٦یان ئەنجامداوە.

یەرلیکای باسی لەوە کرد کە لە ئۆپەراسیۆنەدا شۆفێری بارهەڵگرێک و چوار کەسی دیکە بە تۆمەتی کاری قاچاغچێتی کۆچبەران دەستگیرکراون و ڕووبەڕووی دادگا کراونەتەوە و دەستبەسەرکراون، ٩٤ کۆچبەری نایاسایش دەستگیرکراون.