رووداوێکی هاتوچۆ لە بورسا ٤٠ قوربانی لێکەوتەوە

بورسا - AA

بەهۆی وەرگەڕانی پاسێکی گەشتیاریی لە قەزای ئینەگۆل سەربە پارێزگای بورسا، پێنج کەس گیانیان لەدەست دا و ۳٥ی دیکەش برینداربوون.

بەگوێرەی ئەو زانیارییانەی دەست ئاژانسی ئانادۆڵو کەوتوون، رووداوەکە لەنێوان قەزای ئینەگۆل سەربە پارێزگای بورسا و قەزای دۆمانیچی سەربە پارێزگای کوتاهیا، روویداوە.

دوای ئاگادارکردنەوەی لایەنە پەیوەندیدارەکان، دەستبەجێ تیمەکانی تەندروستی و هێزە ئەمنییەکان گەیشتنە شوێنی رووداوەکە.

پێنج کەس هەر لە شوێنی رووداوەکە گیانیان لەدەست دا، ۳٥ی دیکەش برینداربوون و گواسترانەوە بۆ نەخۆشخانەکانی دەوروبەر.

هەریەکە لە پارێزگاری بورسا، یەعقوب جانبۆڵات و بەڕێوبەری تەندروستی پارێزگاکە، فەوزی یاڤوزیڵماز سەردانی شوێنی رووداوەکەیان کرد و زانیارییان لە بەرپرسەکانی ناوچەکە وەرگرت.