سەردانی سەرۆکۆماری تورکیا ئەردۆغان بۆ ئیمارات

ئەبوزەبی-AA

سەرکۆماری تورکیا، رەجەب تەیب ئەردۆغان بە فڕۆکەی تایبەتی "TUR" گەیشتە ئەبوزەبی.

سەرۆکۆمار ئەردۆغان لەگەڵ گەیشتنی به فڕۆکەخانەی نێودەوڵەتی ئەبوزەبی، له لایەن سەرۆکی نوێی ئیماراتی، محەمەد بن زاید ئەل نەهیان، پێشوازی لێکرا.

ئەردۆغان بەبۆنەی کۆچی دوایی سەرۆکی پێشووی وڵات، شێخ خەلیفە بن زاید ئەل نەهیان پرسە و سەرەخۆشی خۆی ئاراستەی محەمەد بن زاید ئەل نەهیان کرد.

جێی باسە لەمیانی سەردانەکەدا هەریەکە لە وەزیری بەرگریی، خولوسی ئاكار، جێگری سەرۆكی گشتیی ئاك پارتی، نوعمان كورتولموش، سەرۆكی میت، هاكان فیدان، بەڕێوەبەری فەرمانگەی پەیوەندییەكانی سەرۆکایەتی کۆمار، فەخرەدین ئاڵتون و گوتەبێژی سەرۆكایەتی، ئیبراهیم كالن و سەرڕاوێژكاری سەرکۆمار، سەفەر توران یاوەری سەرکۆمار دەکەن.