سەرکۆماری میسر سیسی گەیشتە ئەنقەرە

ئەنقەرە - AA

سەرکۆماری تورکیا، ڕەجەب تەیب ئەردۆغان، پێشوازی لە سەرکۆماری میسر، عەبدولفەتاح ئەلسیسی کرد کە بە سەردانێکی فەڕمی گەیشتە ئەنقەرە.

ئەو فڕۆکەیەی سیسی و شاندی یاوەری هێنا بۆ ئەنقەرە، لە فڕۆکەخانەی ئەسەنبۆغا نیشتەوە.

لە ڕێوڕەسمی پێشوازی کردنەکەدا هەریەک لە وەزیری دەرەوەی تورکیا، هاکان فیدان و پارێزگاری ئەنقەرە، واسیپ شاهین یاوەری سەرکۆمار ئەردۆغانیان کرد.

سەرکۆمار ئەردۆغان و سیسی دوای ئەوەی لە هۆڵی پێشوازی لە فڕۆکەخانەی ئەسەنبۆغا بۆ ماوەیەک کۆبووەوە، بە هەمان ئۆتۆمبێلی سەرۆکایەتی چوونە کۆشکی سەرۆکایەتی کۆماری تورکیا.

سەرکۆمار ئەردۆغان و سەرکۆماری میسر سیسی لە پاش کۆبوونەوەی دووقۆڵی بەشداری لە کۆبوونەوەی ئەنجوومەنی باڵای هاریکاری ستراتیجی دەکەن، دواتر بە بەشداری هەردوو سەرۆک ڕێوڕەسمی واژووکردنی ڕێککەوتننامە و کۆنگرەی ڕۆژنامەوانیی هاوبەش ساز دەکرێت.

هەروەها سەرکۆمار ئەردۆغان لەسەر شەرەفی سەرکۆماری میسر سیسی خوانێکی ئێوارە پێشکەش دەکات.