له‌ په‌لاماره‌كه‌ی دیاربه‌كر دا دوو پۆلیس گیانیان له‌ده‌ستدا

پارێزگای دیاربه‌كر رایگه‌یاند، به‌پێی زانیارییه‌ سه‌ره‌تاییه‌كان له‌ئه‌نجامی ئه‌و په‌لاماره‌ی چه‌كدارانی په‌كه‌كه‌، کەله‌ڕێگه‌ی ئوتومبێلێكی بۆمبڕێژكراوه‌وه‌ ئه‌نجامیانداوه‌، دوو پۆلیس و منداڵێك گیانیان له‌ده‌ستداوه‌ و 25 كه‌سیش برینداربوون كه‌ هه‌شتیان پۆلیسن.

له‌ڕوونكردنه‌وه‌یه‌كدا پارێزگای دیاربه‌كر رایگه‌یاند، کاتژمێر 1:10 خوله‌ك به‌كاتی ناوخۆی توركیا چه‌كدارانی په‌كه‌كه‌ له‌سه‌ر ڕێگای دیاربه‌كر-باتمان له‌ڕێگه‌ی ئوتومبێلی بۆمبڕێژكراوه‌وه‌ په‌لامارێكیان ئه‌نجامداوه‌.

به‌پێی زانیارییه‌ سه‌ره‌تاییه‌كان له‌ئه‌نجامی ئه‌و په‌لاماره‌ی چه‌كدارانی په‌كه‌كه‌ کە له‌ڕێگه‌ی ئوتومبێلێكی بۆمبڕێژكراوه‌وه‌ ئه‌نجامیانداوه‌، دوو پۆلیس و منداڵێك گیانیان له‌ده‌ستداوه‌ و 25 كه‌سیش برینداربوون كه‌ هه‌شتیان پۆلیسن و ده‌ستبه‌جێ برینداره‌كان گه‌یه‌نراونه‌ته‌ نه‌خۆشخانه‌.