لە مزگەوتی ئایاسۆفیا پڕۆگرامی نزا کردن دەستیپێکرد

ئیستانبوڵ - AA

دوای ئه‌وه‌ی دەیەمین فەرمانگەی ئەنجوومەنی شوورای تورکیا بڕیاری ئەنجوومەنی وەزیرانی ئه‌و كاته‌ی تورکیای ھەڵوەشاندەوە كه‌ لە ٢٤ی تشرینی دووەمی ١٩٣٤دا ده‌ری كردبوو بە گۆڕینی مزگەوتی ئایاسۆفیا بۆ مۆزەخانە، ئایاسۆفیا خرایه‌ سه‌ر سه‌رۆكایه‌تی كاروباری ئایینی و بڕیاری سه‌ركۆماری توركیا له‌ باره‌ی كردنه‌وه‌ی مزگه‌وته‌كه‌ به‌ڕووی په‌رستشدا له ١٠ی ته‌مووزدا له‌ ژماره‌ی دووباره‌ی رۆژنامه‌ی فه‌رمیی ئه‌و وڵاته‌دا بڵاوكرایه‌وه‌.

دوای بڕیاری سه‌رله‌نوێ كردنه‌وه‌ی مزگه‌وته‌كه‌ به‌ڕووی په‌رستشدا، ئایاسۆفیا بۆ ماوه‌یه‌كی كه‌م به‌ڕووی سه‌ردانكردندا داخرا و له‌ئێستاشدا، دوایین ئاماده‌كارییه‌كان به‌ڕێوه‌ده‌چن بۆ رێكخستنی رێوڕه‌سمی كردنه‌وه‌ی به‌ڕووی په‌رستشدا.