لەناوچەی ئۆپەراسیۆنی چنگ-قفڵ کۆگایەکی چەک و تەقەمەنی تیرۆریستان دۆزرایەوە

ئەنقەرە - AA

وەزارەتی بەرگریی تورکیا بڵاوی کردەوە، لەناوچەی ئۆپەراسیۆنی چنگ-قفڵ لە باکووری عێراق کۆگایەکی چەک و تەقەمەنی و پێداویستی ژیانی تیرۆریستان دۆزرایەوە.

لە ڕاگەیاندراوێکی وەزارەتی بەرگریی تورکیادا هاتووە، "هێزە قارەمانەکانی سوپای تورکیا لە میانی هەڵمەتی گەڕان و پشکنینیان لە ناوچەی چنگ-قفڵ لە باکووری عێراق، حەشارگەیەکی تیرۆریستانیان دۆزیوەتەوە".

بە پێی ئەم ڕاگەیاندراوە، لە حەشارگەکەدا برێکی زۆر چەک و تەقەمەنی لەوانەش چەندین جۆرەی چەکی کەڵاشینکۆف، بیکەیسی، بۆمبهاوێژ، ئاڕپیجی، دەمانچە، دۆشکە، چەندین گوللە هاوەن و مەخزەنی چەک، دووربین و هەروەها پێداویستی سەربازیی و ژیانی تیرۆریستان دەستی بەسەردا گیراوە.