هێرشی توركیا بۆسه‌ر داعش له‌ سووریا

ئه‌نقه‌ره‌ - AA
دوێنێ شەممە، تۆپخانه‌كانی سوپای توركیا و فڕۆكه‌ جه‌نگییه‌كانی هاوپه‌یمانان، هێرشیان كرده‌ سه‌ر شه‌ش ئامانجی رێكخراوی تیرۆریستی داعش له‌ باكووری سووریا، كه‌ خەریکی ئاماده‌باشی بوون بۆ هێرش كردنه‌ سه‌ر خاكی توركیا.
به‌گوێره‌ی ئه‌و زانیاریانه‌ی له‌ سه‌رچاوه‌ ئه‌منییه‌كانه‌وه‌ ده‌ست ئانادۆڵو كه‌وتووه‌، دوێنێ شەممە تۆپخانه‌كانی توركیا هێرشیان كردووه‌ته‌ سه‌ر شه‌ش ئامانجی رێكخراوی تیرۆریستی داعش كه‌ پێكهاتبوون له‌ سه‌كۆی هه‌ڵدانی مووشه‌كی كاتیۆشا و هاوه‌ن و، له‌ ئاماده‌باشیدا بوون بۆ هێرش كردنه‌ سه‌ر خاكی توركیا.
به‌پێی ئاماره‌ به‌راییه‌كان له‌و هێرشانه‌دا هه‌شت تیرۆریستی داعش كوژراون.

له‌لایه‌كی دیكه‌وه‌ هێزه‌كانی ئۆپۆزسیۆنی سووریا، كۆنترۆڵی ناوچه‌ی ئه‌لسه‌ڕاف-یان كرد له‌ چیای توركمان سەربە پارێزگای لازقییه‌، ئه‌مه‌و شه‌ڕو پیكدادانه‌كان له‌ ناوچه‌ی ئه‌كچابایر دریژه‌یان هه‌یه‌.