هەکاری.. پەکەکە دوو کرێکاری لە یۆکسەکۆڤا کوشت

هەکاری

چەکدارانی پەکەکە لە ناوچەی داغڵیجای سەربە قەزای یوکسەکۆڤای پارێزگای هەکاری، هەڵیانکوتایە سەر چەند کرێکارێکی رێگاوبان و دوو کرێکاریان کوشت و دووی دیکەشیان بریندار کرد.

بەپێی زانیاریەکان کرێکارەکان سەرقاڵی دروستکردنی رێگای سەرەکی داغڵیجا-چوکورجا بوون.

دوای هێرشەکە، تیمەکانی فریاکەوتن گەیشتنە شوێنی رووداوەکە و بە ئۆتۆمبێلی فریاکەوتن بریندارەکانیان گواستەوە بۆ نەخۆشخانەی یوکسەکۆڤا.

راشگەیەنرا کە رەوشی تەندورستی هەردوو کرێکارە بریندارەکە ناجێگیرە.

دوای هێرشەکە، هێزە ئەمنیەکان بەمەبەستی دەستگیرکردنی چەکدارەکان و بەسزا گەیاندنیان کێوماڵی ناوچەکەیان دەستپێکرد.