وه‌رگه‌ڕانی پاسێك له‌ توركیا

سیواس - AA

له‌ شارۆچكه‌ی ئیمرانییه‌ سەربە پارێزگای سیواس پاسێك وه‌رگه‌ڕا، به‌پێی ئاماره‌ به‌راییه‌كان 20 كه‌س برینداربوون.

به‌پێی زانیاری ده‌ستكه‌وتوو، رووداوه‌كه‌ له‌ نزیك گوندی كه‌مره‌لی سەربە شارۆچكه‌ی ئیمرانییه‌ روویداوه‌ له‌ كاتێكدا پاسه‌كه‌ گه‌شتی ئه‌رزه‌ڕۆم-ئه‌نقه‌ره‌ی ئه‌نجامداوه‌.

دوا به‌ دوای رووداوه‌كه‌ ژماره‌یه‌كی زۆر له‌ كارمه‌ندانی ته‌ندروستی و تیمی فریاگوزاری ره‌وانه‌ی شوێنی رووداوه‌كه‌ كراون.

به‌پێی ئاماره‌ به‌راییه‌كان له‌و رووداوه‌دا، 20 كه‌س برینداربوون و به‌مه‌به‌ستی چاره‌سه‌ر ره‌وانه‌ی نه‌خۆشخانه‌كانی ناوچه‌كه‌ كراون.