پەیوەندی تەلەفۆنی ئەردۆغان و پوتین

ئەنقەرە - AA

سەرکۆماری تورکیا، رەجەب تەیب ئەردۆغان و سەرۆکی رووسیا، ڤلایمیر پوتین پەیوەندییەکی تەلەفۆنییان ئەنجامدا. لەمیانی پەیوەندییە تەلەفۆنییەکەدا تاوتوێی ئۆپەراسیۆنی لقی زەیتون و دواپێشھاتەکانی سووریا کرا.

بەپێی ئەو زانیاریانەی کە لە سەرچاوەکانی سەرۆکایەتی کۆمار وەرگیراون، لە پەیوەندییە تەلەفۆنییەکەدا باسی پەیوەندییەکانی ھەردوو وڵات ئۆپەراسیۆنی لقی زەیتون و دواپێشھاتەکانی سووریا کراوە.

سەرکۆماری تورکیا، رەجەب تەیب ئەردۆغان جەختی لەوە کردەوە کە ئامانجی ئۆپەراسیۆنی لقی زەیتون پاککردنەوەی ناوچەی عەفرینە لە رێکخراوەکانی تیرۆریستی پەیەدە/یەپەگە و داعش.

سەرکۆماری تورکیا جەختیشی لەوە کردووەتەوە کە ئەم ئۆپەراسیۆنە ئاسایشی نیشتمانی تورکیا دەخاتە ژێر گەرەنتییەوە و یەکپارچەیی خاکی سووریاش گرنگی خۆی ھەیە.

ھەردوو سەرۆکەکە، پێداگربوون لەسەر ھەوڵی ھاوبەشی وڵاتەکانیان لەمەڕ سەرکەوتنی کۆنگرەی دیالۆگی نیشتمانی سووریا کە بڕیارە لە سۆچی بەڕێوەبچێت.