کاندیدی سەرۆکی ئاکپارتی سەردانی دیاربەکری کرد

دیاربەکر - AA

وەزیری گواستنەوەو گەیاندن و دەریاوانی تورکیاو کاندید بۆ پۆستی سەرۆکی ئاکپارتی بینالی یڵدرم گەیشتە شاری دیاربەکر و سەردانی کەسوکاری قوربانیانی تەقینەوەی گەڵابەکەی دیاربەکری کرد.

یڵدرم لەرێی هەلیکۆپتەرێکەوە گەیشتە دیاربەکر و یاریدەدەری سەرۆکی ئاکپارتی و وەزیری سیاسەتی کۆمەڵایەتی و خێزان یاوەریان دەکرد و پێکەوە سەردانی گوندی تانشکیان کرد کە ماوەیەک لەمەوپێش چەندین کەسی ناوگوندەکە لەئەنجامی تەقاندنەوەی گەڵابەیەکی بۆمبرێژکراو لەلایەن پەکەکەوە گیانیان لەدەست دابوو.

ناوبراوان سەردانی چادری پرسەی ئەو ١٦ کەسەیان کرد کە لە رووداوەکەدا گیانیان لەدەست دابوو.