ھەولێر – AA
ئەمڕۆ پێنجشەممە، یاری کۆتایی پاڵەوانێتی جامی کەنداو ئەنجام دەدرێت کە لە میانیدا ھەڵبژاردەی عێراق و ھەڵبژاردەی عومان رووبەڕووی یەکتر دەبنەوە.
یارییەکە کاتژمێر١٩:٠٠ بە کاتی ھەولێر لە یاریگای نێودەوڵەتیی بەسرە ئەنجام دەدرێت.
چاوەڕان دەکرێت زیاتر لە ٦٥ ھەزار ھاندەر بۆ پاڵپشتیکردن لە ھەڵبژاردەی عێراق لە یاریگاکەدا ئامادەبن.
ئەمڕۆ ھەڵبژاردەی عێراق لە پێناو ئەوەدا یاریی دەکات کە بۆ جاری چوارەم لە مێژووی خۆیدا، نازناوی پاڵەوانێتییەکە بەدەست بھێنێت.
ئەمە دووەمجارە عێراق میوانداریی پاڵەوانێتییەکە بکات، دوای ئەوەی جاری یەکەم لە ساڵی ١٩٧٩ لە بەغدا میوانداریی کرد و لە مێژووی خۆیدا سێجار لە ساڵانی ١٩٧٩، ١٩٨٣ و ١٩٨٨ نازناوی پاڵەوانێتییەکەی بەدەستھێناوە.
جامی کەنداوی عەرەبی پاڵەوانێتییەکی ھەرێمیی دۆستانەیە لەسەر ئاستی ئەو شەش وڵاتە عەرەبییەی کە دەڕوانە سەر کەنداو، عێراق و یەمەن دوو ساڵ جارێک بەڕیوەدەچێت، یەکەم پاڵەوانێتی جامی کەنداو لە ساڵی ١٩٧٠ لە بەحرێن بەڕیوەچوو.
